Ахат Ауданбеков – спортсмен-паралимпиец 

Ахат Ауданбеков – үстел теннисшісі, Қазақстанның бірнеше дүркін чемпионы, ҚР спорт шебері, паралимпиада ойындарының күміс жүлдегері

Ахат Ауданбеков үстел тенисі бойынша бірнеше дүркін чемпионы,  ҚР спорт шебері, параойындардан азиялық жастар ойындарының қола жүлдегері, Алматы Спорт клубының тренері.   

Ахат Шығыс Қазақстан облысы Тарбағатай ауданында дүниеге келді. Бала ата анасын қуантып өсіп келеді. алайда тұстау кесер рәсімі жақындаған сайын ата-анасының көңіліне кірбің түсе бастады. Ширақ бала алғашқы қадамын жасай алмай қойды. Сондықтан да бүлдіршінге балдақ ұстатуға тура келді. Ауылдың дәрігерлері себебін таба алмады. Үш жасында Алматыға көшуге тура келді. Күн құрғатпай дәрігер тексерістері өз нәтижесін берді. Дәрігерлер өз қорытындысын шығарды - баланың церебральды параличі, төменгі спастикалық парапарез…

Дәрігерлер үкімінен соң аурухана, клиникалар, инетерапиясы, жүруді бастаудың алғашқы қиын қадамдары. Бастапқыда балдақ көмектесті, содан соң Ахат оған үйренбегеннің дұрыс екенін түсінді. Ол талмай шынығып, балдақсыз жүруді үйренді. 

Уақыт тоқтап қалмады, өмір де. Ахат қарапайым мектепке емес, арнайы мектепке барды - ол өзі сияқты тірек-қимыл қозғалысы бұзылған балалармен бірге оқыды. Дәл осы мектепте ол алғаш рет қызықты ойын - үстел теннисін көрді. Ойынға махаббатты бас жаттықтырушысы - Зоя Петровна оятты. Тәжірибелі педагог жайдары баладан болашақ чемпионды көре білді. Өзінің алғашқы жаттығуларында Ахат бәрінен ұтылды. Дәл осы сәт табысқа жетуге екпін берді. Нағыз жаттығулар басталды. Тек бұл жаттығулар мүмкіндігі шектеулі жандарға арналған  "Алматы" қалалық спорт клубында жалғасты. Тәдірибелі жаттықтырушы басшылығымен кәсіби дайындықтан өте бастады. Жеңіс көп күттірмеді. Азияның Жастар ойынының қола жүлдегері, Қазақстан чемпионатының көп мәрте жеңімпазы мен чемпионы, Қазақстан параолимпиада ойындарының күміс жүлдегері атанды. Нәтижесінже ҚР Спорт шебері атағы берілді. Осы уақытта Ахат мектеп бітіріп ары қарай қайда түсетінін анық білді.Қазақ спорт және туризм академиясына еш қиындықсыз түсті. Екінші курс студенті болып жүріп тәжірибелі спортсмен өзін жаттықтырушы ретінде сынап көрді.  "Алматы" спорт клубы жас тренерді жұмысқа алды. Ахат кезінде өзі білім алған №2 Мамандандырылған мектеп оқушыларын үстел теннисіне үйретуді бастады. 

 Уақыт зырғып өтуде, теннис шаригінде күндерді тақылдап санауда. Дәрігерлер қайғылы үкім сияқты қойған диагонзды балақан Спорт академиясын бітірді енді өз үлгісімен "ерекше" балаларды қанаттандыруда, болашақ чемпиондарды дайындап жүр. Бастысы өз жетістіктеріңе тоқмейілсіп тоқтап қалмау, алда одан зор табыстар күтіп тұр!