Нұркаси Абатов - жоғарғы санатты дәрігер хирург, профессор

Абатов Нұркаси Төлепбергенұлы 1996 жылы Қарағанды облысында алғашқылардың бірі болып құрсақ қуысы мүшелерінің әртүрлі ауруларын жедел емдеудің эндовидеохирургиялық әдістерін тәжірибе жүзінде іске асырды.

ҚР ДМ клиникалық протоколдарын, оқытудың жаңа әдістерін әзірлеуге, медицина оқу орындары студенттерінің білімдері мен клиникалық машықтарын бағалауға қатысады. Абатов Н. Т. үздіксіз кәсіби білім арттыру курсанттары мен хирургтарына арнап 30-ға жуық оқу бейне фильм жасады. Ол ҚММА медицина орталығында хирургия бөлімшесін ұйымдастырды, мұнда емдеудің  заманауи хирургиялық әдістері белсенді түрде енгізілуде. Сонымен қатар, жас хирургтердің кәсіби дайындығына көп көңіл бөлінеді.

1987 жылы Қарағанды мемлекеттік медицина институтын тамамдаған.  Өз қызмет жолын Торғай облысы  Амангелді ауданының ОАА дәрігер-хирург болып бастап, 1991 жылы дейін жұмыс істеді. 

Өз қызметтік жолын Қарағанды қаласындағы Облыстық клиникалық ауруханада жалғастырыды. 1996 жылы  медицина ғылымдарының кандидаты ғылыми дәрежесін алды, 2007 ж. ҚР БҒМ Білім және ғылым саласында қадағалау және аттестаттау жөніндегі комитетімен доцент ғылыми атағы берілді. Абдоминалды және лапароскопиялық хирургия мәселелерімен айналысады.

1997-1998 жж. аралығында Қарағанды қ. Облыстық денсаулық сақтау басқармасының бас хирургі лауазымында қызмет атақарды.  Оның басшылық етуімен алғаш рет Қарағанды облысында амбулаториялық хирургия және травмотология орталығы ұйымдастырылды,  хирургиялық оталардың сыныптамасы, емдеу мекемелері тиімділігінің экономикалық есептері, медицина мекемелерінің емдеу қызметі жіктемелінің төлемі әзірленді.

2006 жылдан бастап ҚММУ №2 хирургия арулары кафедрасының профессоры. ҚММА «Хирургия, онкология және сәулелік диагностика» проблемалы комиссиясының мүшесі болып табылады. Қазақ тілінде шыққан екі әдімтемелік құрал және 100 астам баспа жұмыстардың авторы.

Сыйлықтары мен марапаттары:

 «Үздік хирург-2010» Қарағанды облысы әкімі премиясының лауреаты; 2013 жылы Денсаулық сақтау ісінің үздігі; 2013 жылы 1-дәрежелі диплом мен ғылыми және педагогикалық қызметтегі белсенділігі үшін сыйлық. ҚарММ интернатура факультетінің үздік кафедрасы; 1 дәрежелі диплом және ғылыми -педагогикалық қызметтегі белсенділігі үшін сыйлық. 2014 жылы ҚарММУ үздік профессоры; «ЖОО үздік оқытушысы» республикалық конкурсының номинанты, 2014 ж.